Ndeshja mes Cadizit dhe Valencias u ndërpre në pjesën e parë, pas një përleshje në mes të Juan Cala dhe Mouctar Diakhaby.
Diakhaby u përplas me lojtarin e Cadizit pasi dyshohet se dëgjoi një fyerje raciste, megjithëse nuk është ende e qartë saktësisht se çfarë komentesh ishin shkëmbyer.
Pas një diskutimi të gjatë midis lojtarëve dhe gjyqtarit dhe pasi Diakhaby madje iu dha një karton i verdhë, lojtarët e Valencias vendosën të largoheshin nga fusha si përgjigje.
𝗡𝗢 𝗧𝗢 𝗥𝗔𝗖𝗜𝗦𝗠 ✊🏽✊🏿
The team have held a meeting and decided to continue the game, in order to fight for the honour of the club, but denounce racism of any kind.#CádizValencia
— Valencia CF 🦇🍊🌊 (@valenciacf_en) April 4, 2021
Disa minuta më vonë, megjithatë, lojtarët u kthyen dhe pas pesë minutash ngrohje, ndeshja u rifillua nga minuta e 29-të, me Cadiz duke marrë një rivënie dhe duke kaluar topin në mbrojtjen e Valencias.
Diakhaby nuk doli për rifillim, me Hugo Guillamon që hyri në vend të tij. Cala – kishte shënuar golin e epërsisë për Cadizin për rezultatin 1-0, gjersa Kevin Gameiro realizoi për 1-1.
Vendasit e rikthyen epërsinë në minutën e 88-të, me anë të Marcos Mauro, duke bërë që takimi i tensionuar të përfundonte 2-1.
Valencia bëri dy postime në Twitter, duke thënë se lojtari i tyre mori një fyerje raciste dhe se ai i kishte shtyrë shokët e tij të skuadrës që të dilnin dhe të luanin. /Telegrafi/
We offer our complete backing to @Diakhaby_5
The player, who had received a racial insult, requested that his teammates return to the pitch.
WE SUPPORT YOU MOUCTAR
𝗡𝗢 𝗧𝗢 𝗥𝗔𝗖𝗜𝗦𝗠 ✊🏽✊🏿 pic.twitter.com/iPtPSpdNYv
— Valencia CF 🦇🍊🌊 (@valenciacf_en) April 4, 2021