Turneu i radhës në CS:GO Roobet Cup do të mbahet në qershor

Kompania e organizimit të turneve Relog Media dhe kazinoja e kriptovalutave Roobet do të mbajnë turneun e radhës me disa nga ekipet më të mira të CS:GO.

Turneu, i cili është planifikuar të mbahet në fund të qershorit, do të shohë 16 skuadra të luftojnë për një grup çmimesh rreth 230.000 euro.

Gara do të zhvillohet në formation ‘best-of-three’ në grupe, ku dy ekipet më të mira nga secili grup do të kalojnë në ‘play-off’.

Faza e grupeve është planifikuar të fillojë nga data 22 qershor, duke vazhduar kështu me ‘play-off’-et me datën 27-30 qershor.

Lexo po ashtu Njihuni me Na’Vi, ekipin numër një të botës në CS:GO

Deri më tani janë konfirmuar shtatë skuadra, si FaZe, Gambit, Virtus.pro, Copenhagen Flames, Entropiq, MOUZ dhe Imperial që kanë marrë ftesa për në fazën e grupeve, dhe të tjera që pritet të mësohen në ditët në vazhdim. /Telegrafi/