Njëri nga portierët më të mirë në histori, Gianluiggi Buffon vendosi t’i bashkohet gjigantit francez Paris Saint Germain.
Pas përvojës së madhe që kishte, Buffon u bë menjëherë portieri i parë i parisienëve.
Legjenda italiane mbrojti në Superkuën e Francës dhe në dy ndeshjet e para në kampionat.
Por tani duket se do të ulet në bankën rezervë dhe për këtë ka marrë vendim trajneri Thomas Tuchel.
Buffon është i dënuar me tri ndeshje mos lojë në Ligën e Kampionëve dhe në ato takime do të mbrojë Areola.
“Nuk më pëlqen ta lë Buffonin në bankën rezervë, por Areola ka nevojë që ta gjejë ritmin e lojës”.
“Buffon ka bërë tri ndeshje të shkëlqyera, duke treguar personalitet, por duhet ta fus Areolan që ta gjejë ritmin dhe të përgatitet për ndeshjet e Ligës së Kampionëve”, u shpreh Tuchel.
Mediat franceze kanë bërë me dije se Buffon do të jetë në bankën rezervë në dy ndeshjet e radhës të PSG-së në kampionat. /Telegrafi/
🎙️ @TTuchelofficial : "Verratti travaille très dur. Son retour est proche. Pour @layvinkurzawa, son cas est plus compliqué. Il faudra être plus patient." #PSGlive
— Paris Saint-Germain (@PSG_inside) August 24, 2018