Trajneri i Manchester United, Ruben Amorim preferoi që të qëndronte me këmbë në tokë pas fitores së ekipit të tij ndaj rivalit lokal Manchester Cityt me rezultat 2-1.
‘Qytetarët’ ishin ata që dukej se do të merrnin fitoren në këtë takim falë një goli të Josko Gvardiol në pjesën e parë, por gjithçka iu rrëshqiti nga duart në minutat e fundit të takimit.
‘Djajtë e Kuq’ kompletuan rikthimin sensacional të udhëhequr nga Amad Diallo, i cili fillimisht fitoi një penallti të cilën e shndërroi në gol Bruno Fernandes, para se të shënonte personalisht ai vetëm dy minuta më vonë për t’i fituar skuadrës së tij tri pikë.
Si do që të jetë, Amorim ka thënë se kjo dramë nuk ndryshon shumë perspektivën e tij, ani pse ai e kupton sa shumë do të thotë kjo fitore për tifozët.
“Tri pikë, por ne duhet të bëjmë më shumë për tifozët tanë. Por unë e shoh ndeshjen e njëjtë deri në 85 minuta, ndoshta kjo bisedë do të ishte më ndryshe pa golat, por paraqitja ishte e njëjta”.
“Ata ishin në lojë për 90 minuta, ne nuk e kontrolluam rezultatin gjatë kësaj kohe, por besoj se e merituam këtë. Një ditë e mirë për ne”, ka thënë Amorim.
“Ju mund ta ndjeni se ishim afër për të shënuar. Ne përmirësuam shpejtësinë në vrapimet tona dhe kishim mundësi. Ne e kontrolluam sulmin e Cityt dhe besuam deri në fund”.
“Ne e deshëm fitoren më shumë kur shënuam golin e parë, i uroj të gjithë djemtë”, përfundoi ai./Telegrafi/