Manchester United është afër nënshkrimit të Rasmus Hojlund nga Atalanta në një marrëveshje të përhershme.
Sulmuesi tashmë ka përfunduar testet mjekësore dhe sot pritet të nënshkruajë kontratën.
Me ardhjen e tij, janë tri opsione se si Ten Hag mund ta përshtatë atë në 11-shen e tij fillestare.
Opsioni i parë
E para është një opsion mjaft i drejtpërdrejtë me Hojlund që plotëson një treshe të përparme me Rashford dhe Antony në krahë, të cilët të dy kanë qenë zgjedhja e parë e trajnerit holandez në ato pozicione sezonin e kaluar.
Bruno dhe Mount do të luanin në një pozicion sulmues të mesfushës me këtë të fundit që shkon më thellë për të asistuar dhe Bruno që zë pozicione të rrezikshme në të majtë për të realizuar krosime për Hojlund ose për Rashford.
Opsioni i dytë
Ky opsion do të ishte një më me përvojë me lojtarë si Eriksen dhe Casemiro që mbështesin Brunon në një rol të mesfushorit ofanziv.
Sancho do të kishte një rol kyç në këtë pasi Hojlund është i njohur për vrapimet e tij nga vija dhe Jadon bëri punën e tij më të mirë në Bundesligë duke u lidhur me Haaland i cili ekzekutoi vrapime të ngjashme dhe pasime me kombinim.
Opsioni i tretë
Kjo është më larg asaj se si zakonisht pritet që Ten Hag të vendosë ekipin e tij, por përfshin dy të preferuarat e tifozëve së bashku me Hojlund. Garnacho dhe Rashford janë dy nga lojtarët më të rrezikshëm të United, por të dy pozicionet e tyre më të mira janë të krahut të majtë. Me këtë konfigurim ne mund t’i shihnim të dy të vendosur në formacion.
Formacioni nuk ka gjasa të mëdha të aplikohet, por është më shumë një model për mënyrën sesi United mund të vendoset jashtë posedimit kundër një kundërshtari më të dobët me Brunon që lëviz më tej në posedim dhe një katërshe vdekjeprurëse që thyen mbrojtjen. /Telegrafi/
