Manchester Unitedi duhet të bëjë shpenzime të mëdha në vitin 2021, në mënyrë që të hyjë në garë për titullin e Ligës Premier në sezonin e ardhshëm.
Tifozët janë të zhgënjyer nga intervenimi i klubit në tregun e transferimeve, me ç’rast dështoi të sillte një anësor të djathtë apo një qendërmbrojtës të denjë.
Po ashtu, Djajtë e Kuq dështuan ta transferonin Jadon Sanchon nga Borussia Dortmundi, edhe pse përpjekjet nuk munguan.
Edhe pse aktualisht afati kalimtar është i mbyllur, skuadra e Ole Gunnar Solskjaer është lidhur me disa emra, duke përfshirë yllin e Wolverhampton Wanderers, Adama Traore, që shihet si alternativë e Sanchos.
Dayot Upamecano i RB Leipzigut është emri tjetër që Unitedi e dëshiron për fazën e mbrojtjes, ndërsa mesfushori i Borussia Monchengladbachut, Denis Zakaria, shihet si zëvendësues i Nemanja Matic.
Nëse arrin të sigurojë shërbimet e tre lojtarëve të përmendur, atëherë Solskjaer do të dijë si të hyjë në garë për trofe. /Telegrafi/
