Telegrafi

Tre gjërat që Mourinho duhet t’i rregullojë te Roma

Në një kthesë tronditëse të ngjarjeve, Jose Mourinho është punësuar si trajner i ri i Romës . 58-vjeçari do të shpresojë ta kthejë La Lupa në pretendentë për titull, por ai nuk mund të ketë asnjë iluzion për sa i përket madhësisë së detyrës me të cilën përballet.

Një njeri i mësuar të drejtojë super klube do të marrë përsipër një skuadër që gjendet në vendin e shtatë në Serie A, dhe duke pasur këtë në mendje, këtu janë tre detyrat më të spikatura në tryezën e Mourinhos.

Mangësitë në mbrojtje

Në rastin më të mirë të tyre, Roma e Paulo Fonsecas ishte e aftë të shfaqte anën sulmuese që tërhoqën lavdërime nga tifozët dhe analsistët. Sidoqoftë, një rekord i keq mbrojtës eklipsoi përfundimisht ato modele goxha sulmuese dhe siguroi që ish-strategu i Shakhtar të mos ishte në gjendje të kualifikohej për Ligën e Kampionëve në asnjë nga dy sezonet e tij në krye.

Mbrojtja e pasigurt e La Lupa ka pranuar 51 gola sezonin e kaluar në Serie A, dhe ata tashmë e kanë tejkaluar atë total me 53 gola të pësuar. Gara për një vend në Ligën e Kampionëve është shuar dhe po luftojnë për një vend në Ligën e Evropës. Giallorossët kanë pësuar më shumë se 100 gola gjatë dy sezoneve me ish-teknikun e Shakhtar.

Mourinho është i njohur për të qenë një trajner konservator, dhe do të nevojitet një dozë e rëndë pragmatizmi nëse portugezi shpreson të përforcojë mbrojtjen e tij.

Përballjet me skuadrat e mëdha

Gjatë dy viteve të fundit, Giallorossët nuk janë në nivelin e lartë. Një paaftësi për të mposhtur skuadrat superiore ka qenë një temë e përsëritur e regjimit të Fonsecas, dhe Mourinho duhet të gjejë një mënyrë që t’i mposhtë skuadrat e mëdha.

Fitorja e vetme e Fonsecas kundër katër më të mirëve në 2019-20 ishte një sukses në raundin e fundit 3-1 ndaj një Juventusi me rotacion të rëndë që tashmë kishte siguruar Scudetton. Kjo përfaqësonte një kthim të dobët për romakët, por gjërat kanë marrë një kthesë për keq në këtë sezon.

La Lupa është pa fitore në 12 ndeshje kundër tetë të tanishmeve të para (gjashtë barazime, gjashtë humbje) me një diferencë prej -15. Humbjet e rënda kundër Atalantas, Napolit dhe Lazios kanë nënvizuar distancën midis klubit kryeqytetas dhe konkurrentëve të tyre të drejtpërdrejtë.

Çështjet e lëndimeve

Edhe pse përqendrimi kryesor i Mourinho do të jetë në fushën e stërvitjes, ai do të duhet t’i kushtojë shumë vëmendje edhe tryezës së trajtimit. Përpjekjet e La Lupa për të mashtruar konkurrencën e brendshme dhe evropiane kanë dalë të kota përballë një krize në rritje dëmtimesh, me një mori emrash kryesorë që kaluan kohë të konsiderueshme në infermieri gjatë muajve të fundit. /Telegrafi/