Komuna e Kamenicës ka njoftuar se do të ketë për 20 ditë transport publik falas për qytetarët e vendit.
Kryetari i komunës, Kadri Rahimaj theksoi se janë duke rishikuar mundësinë për transport publik të rregullt në Kamenicë.
“Drejt transportit publik. E kemi bërë xhiron e parë sot me autobusin që do jetë në lëvizje për 20 ditë. Transport publik falas për të gjithë qytetarët e komunës sonë. Po studiojmë mundësitë për transport publik të rregullt në Kamenicë.
Ndryshe, kryetari Rahimaj së bashku me stafin e tij kanë bërë xhiron e parë me autobusin, i cili është bashkëpunim me FES (Friedrich Ebert Stiftung). /Telegrafi/
