Sonte (e martë) zhvillohet ndeshja e parë gjysmëfinale e Kampionatit Botëror ndërmjet Francës dhe Belgjikës.
Në stadiumin Saint Petersburg në Rusi, dy kombëtaret evropiane kërkojnë një vend në finalen e madhe.
Për t’u kualifikuar në gjysmëfinale, francezët triumfuan përballë Uruguait me rezultat 2-0 në çerekfinale. Ndërkaq, në fazën çerekfinale, belgët e mposhtën Brazilin me rezultat 2-1.
Që kjo ndeshje mos t’i ikë asnjë futbolldashësi nga Kosova është përkujdesur platforma online, GjirafaVideo.
Ajo në bashkëpunim me Radio Televizioni i Kosovës ka nënshkruar marrëveshje bashkëpunimi për të shfaqur këtë ndeshje në internet.
Shikimi i ndeshjes mundësohet në kualitet shumë të lartë, pa reklama dhe normalisht në komentim shqip.
Nuk duhet harruar, video e mëposhtme është e vlefshme vetëm për ata brenda territorit të Kosovës. /Telegrafi/