Trajneri i Triestinas, Pep Clotet, është bërë viral për veprimet e tij intensive gjatë një ndeshjeje të fundit në Serie C.
I emëruar si kryetrajner i Triestinas pak më pak se tri javë më parë, zhgënjimet e Clotet vluan gjatë humbjes 1-0 në shtëpi ndaj Giana Erminio. Kjo humbje e la Triestinën në fund të tabelës me vetëm një fitore në 14 ndeshje këtë sezon.
Ngjarja ndodhi kur sulmuesi i Triestinës, Raimonds Krollis mori karton të kuq në pjesën e parë, duke e detyruar skuadrën të luajë me 10 lojtarë. I tërbuar me Krollis, Clotet u përball me 23-vjeçarin teksa dilte nga fusha, duke e kapur për fanelle dhe duke e tundur.
Reagimi i Clotet ngjalli një valë kritikash në rrjetet sociale, por ai mbrojti veprimet e tij, duke këmbëngulur se përgjigja e tij ishte e justifikuar.
Clotet tha: “Gjesti im ishte i duhuri për atë që ndodhi. Ajo që bëri Krollis është e papranueshme. Ajo dëmton Triestinën, klubin që ai përfaqëson dhe futbollin në përgjithësi”.
“Giana Erminio na befasoi me qëndrimin e tyre taktik, por ne arritëm të rikuperoheshim dhe të futeshim në lojë deri në përjashtim. Natyrisht, ata më pas e menaxhuan lojën, por ne në inferioritet numerik luftuam dhe provuam deri në fund”.
“Duhet të zhvillojmë një mentalitet më të kujdesshëm. Duhet të dimë të menaxhojmë momentet vendimtare të ndeshjeve dhe ky është një aspekt individual”, ka shtuar më tej trajneri i skuadrës që dikur ka luajtur në Serie A. /Telegrafi/