Trajneri Belgjikës, Marc Wilmots e ka konfirmuar se lojtarit të tij Radja Nainggolan nuk mund t’ia ndalojë pirjen e duhanit.
Mesfushori i Romës shënoi golin e fitores në ndeshjen kundër Suedisë 1-0, për t’i siguruar skuadrës së një vend në fazën nokaut.
Edhe pse është yll i skuadrës, ai ka marrë kritika në vendlindje për një ves të tij të keq, pirjen e duhanit.
“Unë e konfirmoj se Radja pi duhan”, ka thënë Wilmots për Sporza.b .
“Ky është një zakon që e kam parë më parë edhe në Francë dhe Itali, ku shumë lojtarë pinë duhan . Unë jam fleksibël në këtë nivel. Është trupi i tij dhe për sa kohë që performanca e tij në fushë është pozitive kjo nuk përbën problem për mua”.
“Në qendrën e trajnimit unë i jap atij gjithmonë një dhomë ku nuk ka alarm tymi. Unë mendoj se ai është i vetmi në mesin e skuadrës aktuale që pi duhan”.
“Është problemi i tij nëse dëshiron të luajë deri në moshën 30 vjeç në vend se të luajë deri në 35”, ka thënë Wilmots. /Telegrafi/