Bukuria e kësaj bote është në diversitetin, kulturat e ndryshme, gjuhët, stilin e veshjes dhe traditën
Ju prezantojmë se si duken ceremonitë e dasmave në vende të ndryshme të botës dhe cilat janë zakonet e tyre të lashta që kultivohen nga kultura të ndryshme edhe sot, transmeton Telegrafi.
1. Në Indi, nusja dhe dhëndri mbulohen me pastë shafrani indian pak para ceremonisë së martesës
Si pjesë e një rituali të quajtur ceremoni haldi, nusja dhe dhëndri indianë zakonisht mbulohen me një pastë shafrani indian para dasmës. Pasta përfshin edhe vaj edhe ujë, kurse gratë e martuara janë ato që e aplikojnë atë në një çift të lumtur, për të bekuar dhe mbrojtur çiftin. Besohet gjithashtu se ngjyra e verdhë e ndezur e shafranit të Indisë sjell prosperitet në martesë.
2. Për banorët e Tujias, është zakon të qajnë para ceremonisë
Populli Tujia është një grup etnik në Kinën Qendrore. Para ceremonisë së martesës, është zakon që nusja të derdhë lot për të treguar se nuk dëshiron të ndahet nga familja. Ajo që pason është edhe më interesante, pasi nusja më vonë fillon të këndojë këngë të trishtueshme. Ata që e vëzhgojnë e vlerësojnë virtytin dhe inteligjencën e saj bazuar në atë se sa mirë mund t’i këndojë këto këngë.
3. Në Indonezi, nusja dhe dhëndri lahen në ujë të bërë nga lule të ndryshme
Kjo traditë quhet Siraman dhe zakonisht mbahet disa ditë para dasmës. Prindërit e nuses dhe dhëndrit i lajnë veçmas me ujë lulesh të bërë nga disa bimë të ndryshme. Të porsamartuarve u bëhet dush për t’u pastruar shpirtin dhe për t’i përgatitur për udhëtimin e tyre të ardhshëm, martesën.
4. Në Kongo, të sapomartuarit zakonisht nuk qeshin në ditën e dasmës
Në Republikën Demokratike të Kongos, martesa konsiderohet një punë serioze dhe nusja dhe dhëndri dekurajohen të qeshin gjatë gjithë ngjarjes. Këtu përfshihen ceremonia, pritjet dhe madje edhe fotot e dasmës. Një buzëqeshje do të nënkuptonte se çifti nuk është serioz për martesën.
5. Në Guatemalë, nëna e dhëndrit thyen zilen në pritje
Pasi të porsamartuarit kanë thënë “I dos” e tyre, nëna e dhëndrit e mbush zilen qeramike me oriz, miell dhe kokrra të tjera. Para se të lejojë çiftin të hyjë në shtëpi, vjehrra thyen zilen, e cila përfaqëson bollëk dhe begati në martesën e tyre.
6. Në Japoni, nusja mban një mbulesë të kokës
Mbulesa tradicionale e kokës quhet Tsunokakushi i dhe duhet të mbulojë parukën e nuses në formë topuz të lartë. Mbulesa e kokës është prej mëndafshi të bardhë, që i përgjigjet kimonos së bardhë të nuses. Disa njerëz besojnë se Tsunokakushi është veshur për të fshehur “brirët” e nuses, që simbolizojnë xhelozinë dhe egoizmin, në mënyrë që ajo të bëhet një grua e butë gjatë martesës.
7. Në Itali, dhëndri i bën serenata nuses një natë para dasmës
Një natë para dasmës, bashkëshorti i ardhshëm organizon një serenatë për nusen, me ndihmën e miqve të tij. Serenata duhet të jetë një surprizë për nusen, kështu që vetëm anëtarët e tjerë të familjes mund ta dinë saktësisht se kur do të ndodhë. /Telegrafi/