Tottenham Hotspur është i interesuar për trajnerin e Paris Saint-Germain, Christophe Galtier.
Spurs janë në treg për një trajner të ri pas largimit të Antonio Conte të dielën.
Ish-ndihmësi i Contes, Cristian Stellini, tani është vënë në krye të detyrës deri në fund të sezonit.
Megjithatë, puna e drejtuesve për të gjetur një emër të njohur për të drejtuar skuadrën nga sezoni i ri, nuk është ndalur.
Sipas Evening Standard, planet e Spurs janë të marrin në konsideratë menaxherët nën kontratë me klube tjera.
Emri i Galtier të PSG-së po diskutohet nga bordi drejtues, ashtu si edhe menaxheri i Celtic, Ange Postecoglou.
Luis Enrique, Mauricio Pochettino dhe Julian Nagelsmann janë disa nga emra tjerë të mëdhenj të lidhur me punën e trajnerit te Spurs. /Telegrafi/