Tottenham Hotspur ka fituar ndaj Manchester Unitedit me rezultat 2-1.
Skuadra e Mauricio Pochettinos ka mposhtur në “White Hart Lane” skuadrën e Jose Mourinhos, duke blinduar pozitën e dytë në Ligën Premier dhe duke lënë Unitedit jashtë Ligës së Kampionëve nga kampionati.
“Gjelat” e dominuan pjesën e parë duke gjetur shumë herët edhe golin e parë, atë të epërsisë 1-0.
Ishte mesfushori kenian, Victor Wanyama, i cili shënoi një gol të bukur me kokë në minutën e gjashtë të ndeshjes pas asistimit të Ben Davies, dhe me këtë rezultat skuadrat shkuan në epërsi përkundër shumë rasteve për gol.
Edhe pjesa e dytë i takoi skuadrës vendase, por që në këtë pjesë edhe Unitedi arriti të gjej një gol.
Të parët ishin vendasit që dyfishuan epërsinë në minutën e 48 me anë të sulmuesit të rrezikshëm Harry Kane, i cili nga afërsia mposhti portierin De Gea për 2-0 pas asistimit të Christian Eriksen.
Goli i vetëm nga United u shënuan në minutën e 71 të ndeshjes nga kapiteni Wayne Rooney, i cili më parë u shërbye nga Anthony Martial, duke vulosur rezultatin dhe fitoren përfundimtare të Tottenhamit me rezultat 2-1.
Pas kësaj fitore, Tottenhami ka 80 pikë në vendin e dytë dhe blindon pozitën e dytë për kualifikim në Ligën e Kampionëve, ndërsa Unitedi gjendet në pozitën e gjashtë me 65 pikë të tubuara dhe tani vetëm fitimi i Ligës së Evropës mund t’i kualifikoj në “Champions”. /Telegrafi/
Victor Wanyama with the heading goal off the great cross for Tottenham! pic.twitter.com/UyuNraOv2b
— Aram Cannuscio (@ACannus) May 14, 2017
Goal: @HKane @SpursOfficial 2 – 0 @ManUtd #COYS #MUFC #TOTMUN pic.twitter.com/0rPwGLRATI
— EMN (@EMN) May 14, 2017
Rooney scores. THFC 2-1 #MUFC pic.twitter.com/MrFhw5zP0A
— Red Related (@RedRelated) May 14, 2017