Mbrojtësi brazilian i Romës, Bruno Peres nuk është duke kaluar momente të mira.
Pasi ka humbur pozitën e titullarit te Roma, braziliani ka filluar me probleme edhe jashtë fushave.
Në mëngjesin e ditës së hënë, Peres ka pësuar një aksident në Romë me makinen e tij.
Mediat italiane kanë raportuar se Peres me Lamborghinin e tij është aksidentuar në orën 5:20 të mëngjesit.
Makina e tij është shkatërruar, ndërkohë që punonjësit e Komunës së Romës janë duke hetuar aksidentin.
Peres kishte vendosur të rri më shumë në mbrëmje pasi gjatë ditës së sotme ai dhe futbollistët tjerë të Romës kishin marrë ditë të lirë pas fitores te Verona 0-1.
Ky nuk ishte aksidenti i parë për brazilianin pasi edhe në nëntorin e vitit të kaluar ai kishte shkatërruar një makinë të tijën.
27-vjeçari ishte pranë largimit nga Roma gjatë afatit kalimtar të janarit por në fund vendosi të qëndrojë në kryeqytetin italian. /Telegrafi/