Trajneri i Leicester Cityt, Claudio Ranieri më në fund është shprehur se ekipi i tij mund ta fitojë Premier Ligën në këtë sezon.
Një gol nga Riyad Mahrez i ka dhënë fitoren Leicesterin sot kundër Crystal Palace, duke e vënë tetë pikë para ndjekësit të parë Tottenhamit, që ka një ndeshje më pak të zhvilluar, transmeton Koha.net.
“Nuk e di nëse është e rëndësishme apo jo, por gjithçka është në duart tona. Duhet të vazhdojmë kështu, nuk kanë rëndësi të tjerët. Askush nuk është duke na ndihmuar, duhet të kryejmë punën tonë. Nëse dikush na kalon në tabelë atëherë shumë mirë, ata janë kampionë, ne do të vazhdojmë të luftojmë”, ka thënë Ranieri, raporton Goal.