Ai vlerësohet si një nga trajnerët më të suksesshëm në qarkullim, por edhe pse një person në moshë dhe me autoritetin e tij të krijuar falë rezultateve të arritura me klube të ndryshme, edhe ai njeri është e mund të tregojë në ndonjë rast nervozizëm.
Carlo Ancelotti pranoi se i kishte treguar gishtin e mesit një tifozi të Hertës së Berlinit, të cilin e akuzon se e ka pështyrë, vetëm pak pas barazimit 1-1 të Bayern Munich në kryeqytetin e Gjermanisë, ditën e shtunë.
Bayern gjendej në disavantazh të një goli, të shënuar nga Vedad Ibisevic që në minutën e 21-të të ndeshjes, edhe pasi përfunduan pesë minutat shtesë të dhëna si rrallëherë në një ndeshje të kampionatit gjerman. Por, pikërisht në sekondat e fundit, polaku i aktivizuar si zëvendësues, Robert Lewandowski arriti të barazonte shifrat dhe t’u jepte bavarezëve një pikë për të vijuar kryesimin e Bundesligës, transmeton TCh.
Por, barazimi i sekondës së fundit solli edhe skena të pahijshme. Portieri i Hertës, Rune Jarsein goditi topin në shpinën e Xabi Alonsos nga shumë pranë, duke shkaktuar një grindje të fushë mes dy ekipeve.
Ndërsa problemi i tifozit të Hertës erdhi në momentin kur Ancelotti ishte duke u futur në dhomat e zhveshjes, i cili reagoi gjithashtu në një mënyrë ofenduese.
Carlo Ancelotti with the?to a Hertha Berlin fan who spat at him after the gamepic.twitter.com/uvgQu4hP2i
— Bayern & Germany (@iMiaSanMia) February 19, 2017