Dashuria e tifozëve të Romës për Jose Mourinhon nuk ka kufi. Ata u panë me disa pankarta gjatë ndeshjes kundër Hellas Veronas, duke shprehur falënderimin e tyre në drejtim të teknikut portugez.
‘The Special One’ u shkarkua nga posti i trajnerit tek “Giallorossët” të martën e kësaj jave, duke i dhënë fund qëndrimit prej 30 muajve në kryeqytetin italian.
Mourinho shpejtë fitoi zemrat e tifozëve të Romës duke fituar Ligën e Konferencës në pjesën e parë të sezonit dhe më pas arriti të prek finalen e Ligës së Evropës në sezonin e tij të dytë.
Pankartat me mesazhe falenderimi në drejtim të Mourinhos filluan të shfaqen rrugëve të qytetit të Romës pas shkarkimit, por në të njëjtën kohë duke shprehur nervozizmin në drejtim të pronarëve të klubit Friedkins.
A message of appreciation from the Roma fans to José Mourinho.
"It was a privilege to have you on our side. Thank you, José!" pic.twitter.com/y7GOLNPBYJ
— IM🇵🇹 (@Iconic_Mourinho) January 20, 2024
Në “Stadio Olimpico” ndaj Hellas Veronës, disa pankarta të ndryshme u panë duke u mbajtur nga tifozët, duke falënderuar Mourinhon dhe duke sulmuar në të njëjtën kohë bordin e klubit.
“Ne nuk kërkuam trofe, por vetëm respekt për këtë fanellë dhe tifozët. Nderoje Romën dhe lufto për njerëzit e saj!”.
“Ju e mbrojtët Romën tonë dhe na çuat drejt fitores. Lavdi e përjetshme për Mourinhon!”.
“Ishte një privilegj të të kishim në anën tonë – faleminderit Jose”./Telegrafi/
https://twitter.com/Iconic_Mourinho/status/1748757796923863231