Paris Saint-Germain dhe Bayern Munich do të përballen sonte nga ora 21:00 në finale të Ligës së Kampionëve.
Parisienët eliminuan Rasenball Sport Leipzigun, derisa Bavarezët e kaluan Lyoni, për të siguruar një vend në finalen e garës më të madhe për klube në Evropë.
Pas shumë vështirësive që shkaktoi Coronavirusi në mesin e muajit mars, duke ndërprerë të gjitha ndeshjet në futboll, skuadrat arritën të rikthehen që të përfundojnë kampionatet.
Ligue 1 u detyrua që të ndërpresë kampionatin shkaku i pandemisë që tashmë kishte shpërthyer në Evropë, derisa origjina ishte nga Wuhani i Kinës.
Nga situata e krijuar, tifozët nuk u lejuan të futeshin në stadiume, e kjo gjë vazhdon të jetë e njëjtë edhe në ditët e stome.
Finalja e Ligës së Kampionëve parashihej të zhvillohej në Stamboll, mirëpo Turqia hoqi dorë, gjersa UEFA u detyruar që të zhvillonte ndeshjet e mbetura në Portugali, vend ky me numër të vogël të infektimesh me COVID-19.
Pasi ndeshjet çerekfinale, gjysmëfinale u mbajtën në Lisbonë, finalja po ashtu do të luhet në këtë qytet, më saktësisht në stadiumin “Estadio da Luz”.
Kur jemi te tifozët, ata të PSG-së dhe Bayern Munichut nuk do të jenë prezent brenda, mirëpo jashtë stadium ata kanë filluar tashmë të mblidhen.
Përkrahësit e kampionit nga Ligue 1 natyrisht se kanë arsye të jenë prezent në këtë moment shumë special, shkaku që është finalja e parë e tyre në Ligën e Kampionëve.
PSG nuk ka qenë asnjëherë në këtë fazë dhe më e shumta që kishin arritur në vitet e kaluara, ishte çerekfinalja.
Tashmë kanë filluar të qarkullojnë foto të tifozëve të të dyja skuadrave përreth stadiumit ku luhet finalja e madhe, e që natyrisht se do të mbahet gjatë në mend.
Nëse jo për shkak të spektaklit që dy skuadrat mund të dhurojnë, por për shkak të Coronavirusit që ka marrë edhe jetë njerëzish.
Bayern Munich për herë të fundit e fitoi trofeun në sezonin 2012/13, ndërsa në këtë edicion tenton të fitojë tripletën, me DFB Pokal dhe Bundesligën tashmë të fituar. /Telegrafi/