Tifozët kanë ardhur me një teori se pse Xabi Alonso do të qëndrojë tek Bayer Leverkuseni në mesin e interesimit të madh që kishte nga ekipe si Liverpooli dhe Bayern Munichu.
Alonso ka prodhuar disa netë magjike me Leverkusenin këtë sezon, teksa momentalisht gjendet në krye të tabelës në elitën e futbollit gjerman.
Ata kanë regjistruar një seri impresive prej 70 pikësh duke qëndruar të pamposhtur gjatë këtij procesi, pasi kanë fituar 22 nga 26 ndeshje në ligë deri më tani.
Kjo formë e lartë nga Leverkuseni kishte bërë që Alonso të tërheq interesimin e klubeve të mëdha evropiane siç janë Liverpooli dhe Bayerni, të cilat janë në ‘gjueti’ për një trajner të ri.
Tifozët e futbollit në rrjetet sociale janë të sigurtë se ata e dinë pse 42-vjeçari refuzoi të flas me ekipe si Liverpooli dhe Bayerni. Ata janë të bindur se Alonso po pret për të marrë drejtimin e Real Madridit në të ardhmen e afërt.
“Bayerni dhe Liverpooli heqin dorë nga Alonso në një çështje orësh. Kështu që ai po qëndron tek Leverkuseni, por gjithashtu, po pret për Real Madridin”, ka shkruar një tifoz në platformën X.
Një tjetër tifoz tha: Ka kuptim për të, por kjo do t’i lëndojë tifozët e Liverpoolit dhe Bayernit.
Ancelotti ka rinovuar me Real Madridin deri në qershor të vitit 2026, dhe duket se pasi italianit t’i skadojë kontrata, Florentino Perez do t’i bëjë ofertë Xabi Alonsos./Telegrafi/