Pas takimit me pronarët e kompanisë “Scards”, Thaçi u prononcua tha se ishte kënaqësi për të që takonte këtë grup të të rinjve të Prishtinës, që kanë themeluar një kompani të IT-së, “që i takon të sotmes, por edhe të ardhmes”.
“Ajo, çka me të vërtetë jam shumë i entuziazmuar dhe i mrekulluar nga kjo punë e shkëlqyer e gjithë këtyre vajzave dhe djemve, është se këta kanë themeluar edhe akademinë ‘Scards’ që është një mundësi e jashtëzakonshme për të rinjtë kosovarë, do të thotë një investim i drejtpërdrejtë në edukim”, ka thënë ai, duke shtuar se fondi i tij i premtuar pre një miliard euros, do të shpërndahet për ndërmarrjet e vogla dhe të mesme.
“Kjo akademi do të jetë një mundësi e madhe për të gjithë të rinjtë e Kosovës. Dëshiroj t’ju uroj për sukseset, për punën e mrekullueshme. Iu uroj ju dhe gjithë ekipit tuaj të mrekullueshëm. Ndihem krenar me ju!”, tha Thaçi. /Telegrafi/