Një tërmet me fuqi shkatërruese prej 5,7 të Rihterit ka shkundur në orët e para të mëngjesit ishullin grek – Kreta, ka njoftuar qendra sizmologjike Euro-mesdhetare.
Tërmeti ndodhi në një thellësi prej 80 kilometra, shkruan Retuers. Ishte një prej shumë tërmeteve që kohëve të fundit ka goditur këtë ishull grek, transmeton Telegrafi.
Akis Tselentis, drejtor i Institutit Gjeodinamik që ishte në Kretë, ka thënë se autoritetet kompetente kanë bërë një analizë ku është konstatuar se bëhet fjalë për një tërmet me fuqi shkatërruese prej 5,7 shkallë të Rihterit, e jo 5,6 sa ishte raportuar më herët.
“E kam ndjerë. Për fat ndodhi në det. Kjo zonë tashmë është prekur nga tërmete të shumta, e po të ishte brenda do të mund të kishte dëme të mëdha”, tha ai për Sky TV. /Telegrafi/