Mediat italiane kanë raportuar se presidenti i Lazios, Claudio Lotito është përplasur me kryetarin e Federatës Italiane të Futbollit, Gabriele Gravina, gjatë Këshillit Federal të FIGC të mbajtur të martën.
Salernitana e Lotitos do të përjashtohet nga Serie A nëse nuk do të gjejë blerës deri në fund të vitit.
Është e ndaluar që i njëjti president të ketë dy klube në pronësi në futbollin italian dhe Lotito ka konflikt interesi pasi është gjithashtu pronar i Lazios.
La rabbia di Lotito: "La Salernitana? Non c'ero, chiedete a Gravina". Ieri lite durissima fra i due https://t.co/mjnjTVNt2Y
— TUTTOmercatoWEB (@TuttoMercatoWeb) December 22, 2021
Sipas Calciomercato.com dhe Il Corriere dello Sport, Lotito dhe presidenti i FIGC, Gravina, u përplasën gjatë një takimi federal të FIGC-së të mbajtur dje (e martë).
Megjithatë, sipas raportimeve, arsyeja e debatit të tyre nuk ishte e ardhmja e klubit Salernitana.
Lotito dhe Gravina nuk kanë marrëdhënie të mira dhe presidenti i Lazios akuzoi Gravinën se kishte bërë ‘zgjedhje personale’ në marrëdhëniet e tij me politikanët.
Finito il Consiglio Federale. Il presidente Gabriele #Gravina parlerà in conferenza stampa intorno alle ore 15.00. Intanto esce dalla sede della FIGC e un tifoso gli grida: “Facciamo rispettare le regole, fuori #Lotito dal calcio”#SerieA #FIGC #calcio pic.twitter.com/Rfx2tyRErH
— Sportface (@sportface2016) December 21, 2021
Gravina iu kundërpërgjigj Lotitos, duke i kërkuar presidentit të Lega C, Francesco Ghirelli, që të ndërhynte për t’i qetësuar ata ‘për respekt për këshillin’.
Pas takimit, Gravina konfirmoi se Salernitana do të përjashtohej nga Serie A në janar nëse nuk gjenin blerës deri në fund të vitit. /Telegrafi/