Erik ten Hag ka folur për debutimin e tij me humbje te Manchester United.
Trajneri holandez pësoi disfatë 2-1 në “Old Trafford” qysh në ndeshjen e parë në Ligën Premier dhe atë nga Brightoni që nuk dinte për fitore në atë stadium.
Ten Hag ka thënë pas ndeshjes se ndihet shumë i zhgënjyer me paraqitjen që bënë, por që e dinte se nuk do të ishte një takim i lehtë.
“Sigurisht, ky është padyshim një dështim dhe një zhgënjim i vërtetë. E dija që në fillim se nuk do të ishte e lehtë”, deklaroi fillimisht strategu i United.
“Është e qartë se në pjesën e dytë ne ishim më të mirë në mesfushë me Eriksen më poshtë dhe Ronaldon duke luajtur më lart. Ne krijuam raste, Rashford pati dy raste të mira. Sa keq që nuk shënuam”.
“Jam i pakënaqur, plotësisht i pakënaqur. Ne humbëm dhe nuk duhej. Ne duhet të bëjmë më mirë. Kemi bërë gabime kur luajtëm me topin, si dhe gabime organizative në mbrojtje. Ne duhet të nxjerrim mësime nga kjo”.
“Ne mund të bënim më mirë me lojtarët që kemi”, shtoi më tej Ten Hag pas ndeshjes debutuese në elitën e futbollit anglez. /Telegrafi/
"I'm not satisfied, totally not" 😤
Erik ten Hag says today's defeat was a 'real disappointment' and it will take time to get Man Utd back on top… pic.twitter.com/Z3ygzSmWwE
— Sky Sports Premier League (@SkySportsPL) August 7, 2022