Të paktën dhjetë persona humbën jetën pasi një vullkan shpërtheu në Indonezi, duke dërguar hirin e dendur në ajër dhe duke rënë mbi shtëpitë aty pranë.
Shpërthimi në malin Lewotobi Laki Laki, në ishullin Flores, pak pas mesnatës të së hënës, hodhi hirin e trashë në ngjyrë kafe deri në 2,000 metra në qiell.
Disa shtëpi morën flakë, duke përfshirë një manastir murgeshash katolike, tha zyrtari lokal Firman Yosef.
Ekipet e shpëtimit po kërkojnë më shumë trupa nën shtëpitë e shembura, transmeton Telegrafi.
Të vdekurit deri më tani, përfshirë një fëmijë, u gjetën me një rreze prej 2.4 milje të kraterit.
Të paktën 10 mijë njerëz janë prekur nga shpërthimi në gjashtë fshatra të rrethit Wulanggitang dhe katër në rrethinën Ile Bura.
Pushteti po përgatitet të përdorë shkollat si strehimore të përkohshme për të prekurit.
Niveli i rrezikut u rrit në nivelin më të lartë dhe zona e përjashtimit u dyfishua. /Telegrafi/
