Të paktën 100 të vrarë dhe 300 të plagosur në Liban nga sulmet ajrore izraelite

Izraeli ka intensifikuar sulmet ajrore në Liban gjatë ditës së sotme, pasi dje pati shkëmbime zjarri mes ushtrisë izraelite dhe Hezbollahut.

Ministria libaneze e Shëndetësisë, ka njoftuar se nga sulmet ajrore izraelite janë vrarë të paktën 100 persona dhe 300 tjerë janë plagosur.

Sipas kësaj ministrie, në mesin e të plagosurve në këto sulme të IDF-së izraelite, ka gra dhe fëmijë, transmeton Telegrafi.

Grupi militant Hezbollah ka njoftuar se ka lansuar sot një sërë raketash në pozicione të ndryshme ushtarake brenda Izraelit.

E në anën tjetër, sirenat që paralajmërojnë sulmet e mundshme ajrore janë aktivizuar sot në veri të Izraelit. /Telegrafi/