Numri i të vdekurve nga një përplasje midis një treni pasagjerësh dhe një treni mallrash në komunën Elassona në Greqinë veriore është rritur në 32, sipas një raporti të mërkurën herët.
Nga kjo përplasje mbetën të lënduar 85 persona, tha Vassilis Vathrakogiannis, përfaqësues i Shërbimit të Zjarrfikësve, siç raportoi transmetuesi publik grek ERT, transmeton Telegrafi.
Ndërkohë, prej të lëndurave, 25 persona janë në gjendje kritike, deklaroi Vathrakogiannis.
Siç bëhet e ditur nga mediet e huaja, treni i pasagjerëve thuhet se kishte 250 persona në bord dhe ishte nisur nga Athina për në Selanik.
Sipas raportimeve, disa vagona kanë dalë nga shinat dhe të paktën tre prej tyre kanë marrë flakë.
❗️ Two trains collide in northern #Greece, killing at least 16 people and 85 were injured
Rescuers have been working to save passengers and extinguish a fire caused by the crash. There were about 350 people on the train.
It is not yet known what caused the collision. pic.twitter.com/QEyU5K91wG
— NEXTA (@nexta_tv) March 1, 2023
Të paktën 30 autoambulanca janë dërguar në vendngjarje, gjithashtu u mobilizuan përpjekjet e kërkim-shpëtimit. /Telegrafi/