Të paktën 28 persona kanë mbetur të vdekur pasi një tren që udhëtonte nga porti i Karaçit në jug të Pakistanit për në Abbottabad doli nga shinat në qytetin Nawabshah në provincën Sindh.
“Ky është një aksident mjaft i madh”, tha para gazetarëve ministri i Hekurudhave, Khawaja Saad Rafique.
Sipas informacioneve të deritanishme, 28 pasagjerë kanë vdekur dhe shumë janë lënduar, raporton aljazeera.
#WATCH:- Another video of Train accident in Pakistan: At least 15 dead and 50 injured after 10 coaches of Rawalpindi-bound Hazara Express derails near Sahara Railway Station #Pakistan #Hazaraexpress #Accident #trainaccident #TRAIN#death pic.twitter.com/2tZz3HV7vs
— Aditya (@rjadi28) August 6, 2023
“Do të ishte e parakohshme të flitet për shkakun e aksidentit, i cili mund të jetë një defekt mekanik ose një akt terrorist”, shtoi ministri.
Rreth 50 persona janë lënduar në aksident, tha për agjencinë e lajmeve dpa, Muqarrab Khan, oficer i policisë lokale nga rrethi Sanghar i Sindhit.
Aksidentet dhe daljet nga shinat ndodhin shpesh në sistemin e vjetër hekurudhor pakistanez. Në qershor të viti 2021 dy trena u përplasën pranë Daharki në Sindh, ku kanë vdekur të paktën 65 persona dhe janë lënduar rreth 150 të tjerë. /Telegrafi/
#WATCH:- Train accident in Pakistan: At least 15 dead and 50 injured after 10 coaches of Rawalpindi-bound Hazara Express derails near Sahara Railway Station #Pakistan #Hazaraexpress #Accident #trainaccident #TRAIN #BREAKING pic.twitter.com/es4UbkNyy4
— Aditya (@rjadi28) August 6, 2023