Të paktën 17 persona kanë vdekur dhe tre të tjerë janë shtruar në spital pasi një anije e dyshuar emigrantësh nga Haiti u përmbys në brigjet e Bahamas, thanë zyrtarët në Bahama në një konferencë për shtyp të dielën.
Anija u përmbys rreth 11 kilometra larg New Providence të Bahamas, gjatë pasdites të së dielës, sipas Philip Davis, kryeministrit të Bahamas, transmeton Telegrafi.
Zyrtarët besojnë se anija, një varkë me shpejtësi, ishte nisur për në Miami, Florida dhe se dy bahamianë po ndihmonin për të kontrabanduar haitianët në Shtetet e Bashkuara.
Varka me shpejtësi besohet se ka goditur ujërat e trazuara, gjë që çoi në përmbysjen e anijes.
Nga 17 trupat e nxjerrë nga uji, 15 ishin meshkuj, një femër dhe një fëmijë i mitur, thanë zyrtarët.
Njëzet e pesë persona u shpëtuan nga uji dhe po vëzhgohen nga zyrtarët shëndetësorë. /Telegrafi/