Të paktën 11 të vdekur pas sulmit vdekjeprurës jashtë Aeroportit të Kabulit

Një zyrtar i talebanëve ka thënë se të paktën 11 persona janë vrarë në dy sulme të ndara jashtë Aeroportit të Kabulit.

Zyrtari tha se numri përfshinte gra dhe fëmijë dhe se një numër i rojeve talebane ishin plagosur gjithashtu.

SHBA dhe aleatët e saj u kanë bërë thirrje njerëzve të largohen nga aeroporti i Kabulit për shkak të kërcënimit të një sulmi nga një degë e grupit të armatosur ISIS i quajtur si K-ISIS, raporton bbc.

Lexo po ashtu Dalin imazhet e para pas shpërthimit të madh në Kabul (Pamje të rënda)

Tolo News i Afganistanit po raporton se një numër i njerëzve të plagosur nga shpërthimi në portën e aeroportit të Kabulit janë transportuar në një spital lokal.

Presidenti amerikan, Joe Biden është informuar për shpërthimin jashtë aeroportit të Kabulit, tha një zyrtar i Shtëpisë së Bardhë.

Theksojmë se ambasadori francez në Afganistan, David Martinon, u ka bërë thirrje njerëzve që të largohen nga portat e aeroportit për shkak të rrezikut të një shpërthimi tjetër.

“Për të gjithë miqtë tanë afganë,” postoi ai në Twitter, “nëse jeni pranë portave të aeroportit largohuni urgjentisht dhe mbulohuni – një shpërthim i dytë është i mundur.”

Ndryshe, ministri i Forcave të Armatosura të Britanisë së Madhe, James Heappey, gjatë ditës kishte paralajmëruar se kishte informata “shumë të besueshme” për një kërcënim “të rëndë” në kryeqytet. /Telegrafi/