Gara për çmimin prej 1 milion dollarësh, sa shkon e bëhet më e nxehtë në turneun IEM Cologne.
Ndeshje të shumta po vazhdojnë të zhvillohen në kuadër të fazës së grupeve në Këln të Gjermanisë.
Tashmë pesë skuadra veçse janë eliminuar nga gara, për ta humbur mundësinë e çmimit të vendit të parë prej 400.000 dollarësh.
Pasi kanë pësuar nga dy humbje, nga gara janë eliminuar, OG, NIP, The Mongolz, 9INE dhe Monte.
Ndërkaq ndeshje të tjera do të vazhdojnë të zhvillohen për t’u mësuar skuadrat që kalojnë në Play-Off.
Deri më tani në ‘Upper Final’ të dy grupeve kanë kaluar Heroic, ENCE në grupin A, dhe Vitality, G2 në grupin B. /Telegrafi/