Sot (e hënë) kanë filluar ndeshjet e para të turneut më të madh të CS:GO, ku ekipet më të mira të botës garojnë për një grup çmimesh rreth një milion dollarë.
Në raundin e parë të “Challengers Stage” të turneut Major, pati mjaft ndeshje të mira, ku në shumicën e tyre dominuan ekipet nga Evropa. Vitality mposhti Complexity me rezultat të thellë 16-1, ekipi G2 gjithashtu mposhti ekipin Liquid me rezultat 16-6, po ashtu ekipi shqiptar Bad News Eagles arriti të fitojë në derbin kundër ekipit turk Eternal Fire, me rezultat 16-14.
Ekipet pjesëmarrëse në “Challengers Stage” do të mundohen të fitojnë tri ndeshje për të kaluar në fazën tjetër, “Legends Stage”, ku i presin disa nga ekipet më të mira botërore, si FaZe, Na’Vi, Cloud9 e më shumë.
Ndërsa ekipet të cilat humbin tri ndeshje, eliminohen përfundimisht nga gara e turneut Major.
Këto janë rezultatet e raundit të parë të PGL Antwerp Major “Challengers Stage”:
Vitality 16 – 1 Complexity
Bad News Eagles 16 – 14 Eternal Fire
G2 16 – 6 Liquid
forZe 16 – 9 Renegades
Astralis 16 – 2 IHC
Imperial 6 – 16 Spirit
Outsiders 16 – 14 MiBR
ENCE 16 – 7 9z
/Telegrafi/