Taulant Seferi ka vazhduar shkëlqimin në elitën e futbollit ukrainas me fanellën e Vorskla Poltava.
Sulmuesi shqiptar u bë protagonist dhe në ndeshjen e xhiros së 17-të, mes Veres-Rivine dhe Vorskla ku shënoi gol.
26-vjeçari realizoi në të 25-ën golin e avantazhit, me një goditje me të djathtë, nga një pozicion diagonal me portën.
Ky ishte goli i shtatë këtë edicion për Seferin i cili është golashënuesi kryesor i skuadrës së tij.
Kujtojmë që Seferi u bashkua me skuadrën ukrainase gjatë afatit kalimtar të verës pas shkëlqimit me Tiranën në kampionatin shqiptar. /Telegrafi/
