Telegrafi

“Tani e kuptoj se përse City nuk do ta fitojë kurrë Ligën e Kampionëve” – Patrice Evra tallej me tifozët e Citzens nga Etihadi

Driton Gajraku

Patrice Evra bëri një thumbim qesharak ndaj Manchester City pasi Micah Richards e quajti Etihad një stadium “fantastik” përpara Soccer Aid 2021.

Kem Cetinay shënoi dy gola dhe Lee Mack gjeti rrjetën, teksa World XI mundi ekipin e Anglisë 3-0 të premten në mbrëmje.

Përplasja e Soccer Aid mblodhi një rekord prej 13,014,769 funtesh për bamirësinë që do të shkojnë në llogarinë e UNICEF.

Përpara fillimit të takimit në Etihad, Evra dhe Richards nuk i lanë mënjanë përkushtimet e tyre përkatëse ndaj Manchester United dhe City.

Evra bërtiti “Hajde, United!” te Richards teksa dolën në fushën e Etihad, e cila u prit me të qeshura nga ish-mbrojtësi i djathtë i Cityt.

Richards, i cili postoi një video në Instagram Story, filloi të këndojë “Citeh, Citeh” para se eksperti i Sky Sports të lërë një mbishkrim në “këtë stadium fantastik”.

Sidoqoftë, legjenda e United, Evra ndërhyri dhe i tha Richards: “Prisni, prisni, prisni. Stadium fantastik, por nuk do ta fitosh kurrë Ligën e Kampionëve!”.

Richards reagoi më pas me një mbishkrim: “[Patrice Evra] Po e ruaj këtë video që [Manchester City] [ta] fitojë!!!!”.

Tifozët e Manchester Unite natyrisht se i pëlqyen këto komente të legjendës së tyre, me Citizens që në edicionin e kaluar shijuan për herë të parë në histori një finale të garës më të madhe për klube në Evropë. /Telegrafi/