Të njohësh njerëz të rinj në një periudhë si kjo është sfidë më vete
Flirtimet e mbrëmjeve nëpër bare janë reduktuar dhe rrjedhimisht takimet e para gjithashtu. Njohjet gjatë Covid-it kërkojnë vëmendje të veçantë pasi përtej kushteve të vështira duhet të punojmë me veten në raport me personin që kemi përballë.
1. Nëse ndiheni në ankth, kujto që nuk jeni vetëm
Jemi në mes të një pandemie dhe moti s’ka qenë në anën tonë deri tani, prandaj është shumë normale të mos ndiheni në humor gjatë gjithë kohës. E rëndësishme është të tregoheni të ndershëm me veten.
Mos u nxitoni duke u nisur nga kushtet përreth, pra vetëm për të mbytur vetminë që ndihet edhe më shumë gjatë kësaj periudhe, shkruan Health Line.
2. Sigurohuni të jeni vetja
Filloje duke veshur diçka që të bën të ndihesh rehat dhe me vetëbesim. Për disa të tjerë kjo nënkupton blerje të reja në veshje dhe grim.
Cilado qoftë zgjidhja juaj, mjafton të mos hiqni dorë nga çfarë ju bën të ndiheni komodë.
3. Pastaj, mendo ç’lloj takimi do të të bënte të ndiheshe mirë
Me fjalë të tjera: vendi! Je gati për ta takuar live apo më mirë virtualisht edhe për pak kohë? Ndonëse ekspertët thonë se më e mira është të filloni me takimet virtuale për sigurinë tuaj.
Ruani shëndetin dhe në të njëjtën kohë keni kohë për të vendosur nëse doni (ose jo) ta njihni personalisht.
4. Mos bëjë gjëra që s’do t’i bësh
Mos dil në atë takim nëse nisesh nga ide të tjera që nuk përfshijnë pëlqimin ndaj tij/saj.
Edhe nëse ata insistojnë, nëse ti nuk ndjen asnjë lloj interesi thuaj jo. Kufijtë duhen respektuar ose në të kundërt takimi mund të anulohet, citon Anabel.
5. Kujdes nëse takoheni
Nëse vendosni të takoheni live, kini parasysh që:
▪ Të vendosni një maskë
▪ Të ruani sa të mundeni distancën fizike
▪ Takohuni në ambiente të hapura
▪ Shmangni puthjet/përqafimet
