Vizitorët e Tajlandës nga sot do të jenë të obliguar të kalojnë dy javë në karantinë për shkak të pandemisë së coronavirusit – por ata do të mund të qëndrojnë nëpër jahte luksoze.
Siç raporton BBC, qeveria tajlandeze shpreson se një iniciativë e tillë do t’i sjellë vendit të hyra prej 58 milionë dollarëve -dhe një lëvizje e tillë mund ta ringjallë industrinë e turizmit që është goditur rëndë nga pandemia, transmeton Telegrafi.
Ky shtet në juglindje të Azisë kryesisht mbështetet në turizëm, e programi i karantinimit nëpër jahte do t’ju mundësojë turistëve që kanë test negativ të COVID-19, që kohën e karantimit ta kalojnë nëpër jahte.
Numri i turistëve në Tajlandë është zvogëluar dukshëm – nga 40 mijë në ditë në vetëm disa qindra, kjo për shkak të pandemisë së coronavirusit.
Në këtë program pritet të kyçen rreth 100 jahte, kurse pasagjerët do të duhet të bartin dorezën e mençur që kontrollon parametrat vitale siç është temperatura e trupit, shtypja e gjakut dhe përcjell lokacionin e personave përmes sistemit GPS. /Telegrafi/