Site icon Telegrafi

Tajfuni shkatërrues shkaktoi përmbytje në Filipine – tre të vdekur dhe mijëra njerëz evakuohen

Nol Elshani

Të paktën tre persona humbën jetën sot në Filipine pasi një tajfun i fortë shkaktoi përmbytje në disa fshatra, të cilat bllokuan banorët në çati, erërat rrëzuan pemë dhe shkaktuan mungesa të energjisë në provincat e ishullit jugor dhe qendror.

Më shumë se 300 mijë njerëz u larguan nga provincat për të siguruar njerëzit përpara se tajfuni të godiste, thanë zyrtarët lokalë.

Tajfuni “Rai” u dobësua pak kur goditi bregun juglindor të Filipineve dje, por mbeti shkatërrues me shpejtësi të erës 155 kilometra në orë dhe rrebesh deri në 215 kilometra në orë ndërsa lëvizte drejt perëndimit, thanë meteorologët.

Zyrtarët aktualisht janë duke vlerësuar shkallën e dëmit dhe numrin e viktimave, raporton ap.

Dëshmitarët thonë se erërat e forta shkatërruan çatitë dhe prenë pemë, ndërsa të tjerët u përballën me përmbytje të mëdha që bllokuan banorët në çati.

“Unë kurrë nuk kam përjetuar një erë kaq të fortë në jetën time dhe as që jemi prekur drejtpërdrejt”, njoftoi kryebashkiaku i qytetit Iloilo, Jerry Trenas, duke shtuar se të paktën një banor u vra. /Telegrafi/

Exit mobile version