Super tajfuni Yagi goditi veriun e Vietnamit ndërsa autoritetet evakuuan komunitetet e prekura dhe urdhëruan mbylljen e aeroportit.
Yagi goditi provincat bregdetare të Vietnamit të Quang Ninh dhe Hai Phong me erëra deri në 149 kilometra në orë, njoftuan mediat shtetërore.
Sipas raportimeve, përpara se tajfuni të godiste, një erë e fortë rrëzoi një pemë, duke vrarë një grua në kryeqytetin Hanoi.
Tajfuni shkaktoi gjithashtu ndërprerje të energjisë në pjesë të mëdha të provincave Quang Ninh dhe Tay Binh, raporton AP.
Super Typhoon Yagi is making landfall in Quang Ninh and Hai Phong. Some damages already occurred. Houses were uproofed while glass and iron sheets flew like papers. Some cars could be seen capsized. Quang Ninh and Hai Phong now experience power outage. #TyphoonYagi #Vietnam pic.twitter.com/jnWCBHU5TB
— Vietnam Defense (@vietnamese_news) September 7, 2024
Qeveria ka lëshuar më parë disa paralajmërime dhe ata që rrezikohen nga përmbytjet ose rrëshqitjet e dheut janë evakuuar.
Katër aeroporte u mbyllën, përfshirë Hanoi dhe Haiphong.
Quang Ninh është shtëpia e Gjirit Ha Long të mbrojtur nga UNESCO, i njohur për ishujt e tij të shumtë të gjatë gëlqerorë dhe qindra turne në gji u anuluan përpara se tajfuni të godiste.
Yagi, i përshkruar nga autoritetet meteorologjike vietnameze si “një nga tajfunet më të fortë në rajon në dekadën e fundit”, arriti në vendin e Azisë Juglindore pasi stuhia la dy njerëz të vdekur në Kinë dhe qindra të plagosur. Super tajfuni pritet të godasë më vonë Laosin. /Telegrafi/
Super Typhoon #Yagi made landfall on the coast of Hainan, China with devastating winds in Wenchang.
The storm is now over the Gulf of Tonkin, approaching northern Vietnam.
🎥: LeHongLam10 pic.twitter.com/4HAy9kVDZt— 𝕊𝕔𝕠𝕥𝕥 𝕄. (@RandomHeroWX) September 7, 2024