Kryetari i Komunës së Ferizajt, njëherësh kandidat i Lidhjes Demokratike të Kosovës për këtë komunë, edhe për një mandat, Muharrem Svarqa ka thënë se kjo komunë ka përfituar grante qeveritare 10 milionë euro grante qeveritare për katër vjet nga Ministria e Bujqësisë.
Kjo sipas tij është bërë përmes plotësimit të dokumentacionit dhe përplotësimit të kushteve të kërkuara në procedura ligjore të Ministrisë së Bujqësisë.
“Me këtë kemi arritur që të hapim jo vetëm 3000 vende të pune, por shumë më shumë vende pune. Sepse në Ferizaj janë hapur rreth 4000 biznese të reja të cilat parashohin që një punëtor të punësohet nga hapja e çdo biznesi, ndërkaq ne kemi biznese që kanë punësuar edhe nga 40 persona”, ka thënë Svarqa në Debat+ në RTV Dukagjini.
Po ashtu, siç ka shtuar Svarqa, po ashtu Komuna ka dhënë edhe prona për investime të bizneseve të vogla dhe të mesme.
“Për shembull kemi dhënë 20 hektarë tokë, në të cilat prona janë vendosur biznese të suksesshme të cilat kanë investuar mbi në 10 milionë euro dhe sipas statistikave janë punësuar rreth njëmijë punëtorë”.
“Ndërsa në ndikimin indirekt për zhvillimin e ekonomik ka qenë zhvillimi i infrastrukturës, asfaltimet, kanalizimet, ujësjellës”, ka thënë ndër tjerash Svarqa. /Telegrafi/
