Super Tottenhami i Postecoglout fiton një pikë në duelin e gjashtë golave me Manchester Cityn

Manchester City ka barazuar 3-3 me Tottenhamit në kuadër të javës së 14-të në Ligën Premier.

Pas vetëm gjashtë minutash loje, Spurs kaluan në epërsi në Etihad, duke realizuar nëpërmjet Son Heung-Min, me Dejan kulusevskin.

Por, golashënuesi i mysafirëve ishte më pas fytyra tragjike, duke realizuar auto-gol në minutën e nëntë.

Citizens më pas i përmbysen shifrat, pasi shënuan për 2-1 me anë të Phil Foden, që u asistua prej Julian Alvarez.

Me kaq edhe përfundoi pjesa e parë, ndërsa në 45 minutat e parë u shënuan edhe tri gola të tjera.

Spurs i barazuan shifrat në 2-2 me anë të Giovanni lo Celso në minutën e 69-të, me Son që ishte asistuesi.

Por, Citizens e rikthyen epërsinë me golin e Jack Grealish, që realizoi për 3-2 në minutën e 81-të nga asistimi i Erling Haaland.

Mysafirët nuk u dorëzuan dhe i barazuan shifrat në 3-3, kur Kulusevksi shënoi me kokë në minutën e 90+1-të, për të marrë një pikë nga ky takim

Pas javës së 14-të, Manchester City ka 30 pikë, tri më pak se lideri Arsenali, ndërsa në xhiron e 15-të takohet me Aston Villën. /Telegrafi/