Yjet e ekipit shqiptar Bad News Eagles kanë dalë fitues në ndeshjen debutuese kundër ekipit rus, Entropiq, në kualifikime për turneun më të madh të CS:GO në Bukuresht të Rumanisë.
Ekipi shqiptar është më afër se kurrë për të shkruar historinë dhe për t’u kualifikuar në turneun më të madh të CS:GO, PGL Antwerp Major 2022.
.@_badnewseagles start off with an overtime victory against Entropiq!#PGLRMR pic.twitter.com/ZSFd0ExGr6
— HLTV.org (@HLTVorg) April 21, 2022
Në super ndeshjen kundër ekipit të 14 në ranglistën botërore të CS:GO, Entropiq, lojtarët shqiptarë pas një fillimi jo aq të mirë në pjesën e parë, arritën ta përmbysin rezultatin për të shkuar kështu në vazhdime dhe për të dalë fitues në fund me rezultat 19:17, shkruan Telegrafi.
![[HIGHLIGHTS] Entropiq vs Bad News Eagles – Map 1 Dust2 - PGL RMR EUROPE B - Day 1](https://i.ytimg.com/vi/xQzKleZohiU/hqdefault.jpg)
Një lojë të mirë kanë treguar të gjithë lojtarët e Bad News Eagles, por dy lojtarët kyç ishin ‘rigoN’ dhe ‘juanflatroo’ të cilët shkëlqyen për ta ndihmuar ekipin e tyre drejt fitores.
Bad News Eagles do të zhvillojë tjetër ndeshje sot (e enjte) më vonë, e që kundërshtari ende nuk dihet.
Të gjitha lojërat e ekipit Bad News Eagles, do të transmetohen nga streameri i njohur shqiptar: Ernest ‘xhocii’ Xhoci.
Ndeshjet e tyre mund t’i ndiqni këtu: twitch.tv/xhocii
Përbërja e ekipit Bad News Eagles:
Flatron “juanflatroo” Halimi
Dionis “sinoppsyy” Budeci
Genc “gxx-” Kolgeci
Rigon “rigoN” Gashi
Sener “SENER1” Mahmuti
Klesti “stikle-” Kola (Trajner)
/Telegrafi/