Sulmues të armatosur vrasin 11 policë në një pritë në Pakistan

Të paktën 11 oficerë policie janë vrarë gjatë një përleshje me disa sulmues të armatosur në Pakistan.

Sulmuesit ishin të armatosur me armë dhe granata me raketa (RPG), njoftoi policia ndërsa u plagosën edhe disa oficerë të tjerë.

Karvani i oficerëve u vu në shënjestër në provincën lindore të Pakistanit Punjab, në rrethin Rahim Yar Khan.

Kolona po kalonte nëpër një zonë të shkretë si pjesë e një operacioni që synonte grabitësit në rajon, deklaroi policia e rajonit të Punjabit, shkruan skynews.

Pakistani është bërë cak i sulmeve të shumta të militantëve në vitet e fundit, por një numër kaq i lartë i viktimave të policisë në një sulm të vetëm është i rrallë.

Forcat pakistaneze të sigurisë shpesh kryejnë operacione kundër banditëve në provincat lindore Punjab dhe jugore të Sindh, ku ata fshihen në zonat rurale dhe pyjore. /Telegrafi/