Një bombë vrau katër persona në qytetin jugor të Irakut të Basrës, sulmi i parë i tillë në vitet e fundit në një pjesë të vendit që gëzonte stabilitet.
Shpërthimi pranë spitalit kryesor të qytetit me popullatë kryesisht shiitë myslimanë u shkaktua nga një motoçikletë me një mjet shpërthyes, njoftoi ushtria irakiane.
Askush nuk e ka marrë ende përgjegjësinë, por dyshohet se prapa saj qëndron, Shteti Islamik.
🇮🇶 #ıraq
📹 #BREAKINGNEWS: Bomb attack took place in the city of #Basra. There are dozens of dead and wounded. pic.twitter.com/RHf6uU8Xv7
— Frank William (@frank_william1) December 7, 2021
Bombardimet në zonën e Basrës ishin të rralla, i fundit i madh ishte në vitin 2017 dhe Shteti Islamik mori përgjegjësinë në atë kohë. Autoritetet e kanë mbajtur fort zonën ku prodhohet dhe eksportohet pjesa më e madhe e naftës së këtij anëtari të OPEC.
Policia po mblidhte pjesë të trupit nga një minibus që u dëmtua rëndë nga shpërthimi. Rruga ishte e mbuluar me xhama të thyer dhe gjak.
Burime policore dhe spitalore i thanë reuters më herët se 20 persona u plagosën dhe katër u vranë. /Telegrafi/
Car bomb explosion in the center of Basra city. Casualties reported.#Iraq pic.twitter.com/wwU7bqPPSo
— Baxtiyar Goran ☀️ (@BaxtiyarGoran) December 7, 2021