Struga Trim Lum sot ka zhvilluar ndeshjen e parë në Ligën e Kampionëve, ku është ndeshur me Zhalgirisin e Lituanisë, shkruan Telegrafi Maqedoni.
Ndeshja e cila u zhvillua në Lituani përfundoi me rezultat baraz 0-0.
Rastin më të mirë të takimit, Struga Trim Lum e kishte në minutën e 36-të përmes kapitenit Shabani, mirëpo ky i fundit nuk arriti të shënojë nga afërsia.
Edhe në pjesën e dytë Struga Trim Lum arrti të krijojë disa raste për shënim, përmes Shabanit në minutën e 53-të dhe Ibraimit në minutën e 64-të.
Deri në fund të takimit nuk pati ndonjë rast që mund të veçohej, ashtu që nga Lituania Struga Trim Lum rikthehet me një rezultat pozitiv.
Ndeshja e kthimit do të zhvillohet pas një jave e cila do të luhet në stadiumin e Ohrit../Telegrafi/