Thomas Strakosha ka qenë vendimtar në një tjetër fitore të Lazios në kampionat.
Skuadra nga kryeqyteti italian ka mposhtur para adhuruesve të vet Udinesen me rezultat të pastër 2-0.
Friulanët patën mundësinë të shënojnë nga penalltia me De Paul, por portieri shqiptar THomas Strakosha e priti gjuajtjen e tij.
Numri një i Lazios ka thënë se para çdo ndeshje i studion sulmuesit kundërshtarë.
“Para çdo ndeshje i studiojë sulmuesit kundërshtarë. Për fat të mirë sot arrita ta presë penalltinë e De Paul”.
“Udinese ka një skuadër të mirë, por treguam se e merituam fitoren. Falë zotit penalltia u prit dhe jemi të qetë”, u shpreh Strakosha.
Shqiptari ka thënë se ai dhe bashkëlojtarët e tij ëndërrojnë kualifikimin për në Ligën e Kampionëve.
“Objektivat i kemi të qarta nga fillimi i sezonit dhe ëndërrojmë të shkojmë në Ligën e Kampionëve. Tani le të mendojmë vetëm për t’i fituar ndeshjet me radhë”, tha Strakosha që krejt në fund pati dy fjalë edhe për teknikun e ri të Kombëtares së Shqipërisë, Edy Reja.
“Reja te Shqipëria? I uroj fat. Do të shihemi së shpejti”, u shpreh Strakosha duke qeshur. /Telegrafi/
