Ndeshja e parë e ekipit shqiptar nga Kosova, Bad News Eagles ka përfunduar me humbje, pasi u mposhtën nga ekipi danez Copenhagen Flames me rezultat të ngushtë 16:14, në fazën ‘Legends Stage’ të turneut më të madh të CS:GO, PGL Antwerp Major.
Ekipi i Bad News Eagles ishte vetëm një raund larg për të barazuar rezultatin kundër ekipit Copenhagen Flames, por ekonomia e dobët në raundin e 29 –të bëri që ndeshja të përfundoj në të mirë të ekipit danez, duke përfunduar ndeshjen me rezultat 16:14 në mapin ‘Ancient’.
Ndeshja ishte gjatë gjithë kohës e barabartë, e as momentet me aksione të mira nuk munguan, gxx në raundin e katërt eliminon tre lojtarë të ekipit kundërshtar, për ta rritur epërsinë e ekipit të tij.
Gjithashtu sinnopsyy në raundin e 15 -të, fiton raundin i vetëm, një kundër dy për të siguruar pikën e nëntë në pjesën e parë për ekipin e tij.
Ndërsa juanflatroo në raundin e 24 –të me tri vrasje, e ndihmon ekip e tij të dal në epërsi me rezultat 13-12.
Bad News Eagles, do të zhvillojnë ndeshjen e tyre të radhës sot (e shtunë) pas përfundimit të ndeshjeve të raundit të parë, në fazën e ‘Legends Stage’, të PGL Antwerp Major.
Këto janë statistikat e ekipit Bad News Eagles, në ndeshjen ndaj Copenhagen Flames:
Genc ‘gxx-‘ Kolgeci, 22 eliminime, 20 vdekje, vlerësimi nga HLTV 1.08.
Flatron ‘juanflatroo‘ Halimi, 27 eliminime, 26 vdekje, vlerësimi nga HLTV 1.06.
Rigon ‘rigoN‘ Gashi, 20 eliminime, 25 vdekje, vlerësimi nga HLTV 0.99.
Dionis ‘sinnopsyy‘ Budeci, 18 eliminime, 26 vdekje, vlerësimi nga HLTV 0.89.
Sener ‘SENER1‘ Mahmuti, 13 eliminime, 23 vdekje, vlerësimi nga HLTV 0.75.
/Telegrafi/