Bayern Munich dhe Paris Saint-Germain do të luajnë mes vete në ndeshjen e parë të vlefshme për çerekfinalen e Ligës së Kampionëve.
Vendi: Allianz Arena (Munich)
Koha: 21:00
Lajme rreth ekipeve
Bayern Munich
Robert Lewandowski është jashtë fushave për katër javë shkaku i një dëmtimi në gju dhe do të humbasë të dy ndeshjet kundër Paris Saint-Germain, duke qenë një humbje e madhe për ekipin vendas.
Serge Gnabry ka rezultuar pozitiv me COVID-19, duke kufizuar kështu sulmin e Bayernit.
Eric Maxim Choupo-Moting është lojtar i radhës në sulm, por nuk do të ishte një befasi nëse Flick vjen me një qasje tjetër duke mos e inkuadruar në lojë.
Alphonso Davies dhe Jerome Boateng kthehen përsëri në ekip pasi humbën ndeshjen kundër RB Leipzig gjatë fundjavës shkaku i pezullimit.
Lucas Hernandez dhe Niklas Sule janë në konkurrencë me Davies dhe Boateng, përkatësisht, për një vend në formacionin titullar. Davies madje mund të luajë edhe në krahët e mesfushës.
Paris Saint-Germain
Marco Verratti dhe Alessandro Florenzi kanë rezultuar pozitiv me COVID-19 që nga kthimi nga detyra kombëtare me Italinë.
Me Danilo Pereira një dyshim, Ander Herrera mund të jetë dyshe e mesfushës me Idrissa Gueyem, pasi Leandro Paredes është i pezulluar.
Thilo Kehrer me të vërtetë luftoi kundër Lille në fundjavë në mungesë të Florenzi dhe mund të humbasë vendin e tij në krah për Colin Dagba.
Mauricio Pochettino ka rikuperuar të paktën Neymarin që kur ata eliminuan Barcelonën.
Mauro Icardi dhe Layvin Kurzawa janë dyshime të tjera për ekipin vizitues pasi humbën ndeshjet në fundjavë.
Fakte
Bayerni ka fituar 18 nga 19 ndeshjet e fundit në Ligën e Kampionëve.
Bayerni ka shënuar të paktën 2 gola në 17 nga 19 ndeshjet e fundit në Ligën e Kampionëve.
Bayerni ka fituar 3 ndeshjet e fundit kundër PSG në të gjitha garat.
Bayerni ka shënuar të paktën 2 gola në 3 ndeshjet e fundit në shtëpi kundër PSG në të gjitha garat.
PSG është i pamposhtur në 5 ndeshjet e fundit në Ligën e Kampionëve.
Analizë
Bayern Munich ishte favoriti i këtij shorti, por humbja e Lewandowskit sigurisht që i bën gjërat më interesante. Një fitore 1-0 në udhëtim te RB Leipzig në fundjavë mund t’i jap shtytje Bavarezëve.
Paris Saint-Germain humbi 1-0 në shtëpi nga Lille në fundjavë për të humbur terren më tej në garën për titull në Francë. Me luftën për titull në Ligue 1, presioni është në nivel të lartë ndaj Mauricio Pochettino në këtë short.
PSG do të jetë e etur për të marrë hak ndaj Bayern nga finalet e sezonit të kaluar në Ligën e Kampionëve, por fituesit aktual duken favorit edhe përkundër mungesës së yllit polak. Ndërkohë, një gol në një humbje të ngushtë nuk do të ishte fundi i botës për PSG.
Formacionet e mundshme
Parashikimi: Bayern 2-1 PSG
/Telegrafi/