Kombëtarja e Spanjës ka kaluar në një tranzicion të heshtur, i cili nuk është vërejtur edhe aq dhe më nuk dominohet nga lojtarët e Real Madridit dhe Barcelonës.
Spanja ka luajtur gjatë të shtunës në shtëpi ndaj Norvegjisë në kuadër të eliminatoreve për Euro 2020, ku ndeshja përfundoi me rezultat 1-1.
Megjithatë, më shumë sesa rezultati, formacioni titullar i kombëtares La Roja në këtë ndeshje po përfolët shumë.
Trajneri Robert Moreno ka startuar me një formacion, ku 11 lojtarët titullar i përkisnin skuadrave të ndryshme.
Kjo ishte hera e parë në histori që Spanja starton me një formacion si ky, pasi gjithmonë ka qenë i dominuar nga lojtarët e Real Madridit dhe Barcelonës.
Kepa Arrizabalaga (Chelsea) ishte në portë, ndërsa Jesus Navas (Sevilla), Sergio Ramos (Real), Raul Albiol (Villarreal) dhe Juan Bernat (PSG) përbënin mbrojtjen.
Mesfusha përbëhej nga Sergio Busquets (Barcelona), Saul Niguez (Atletico) dhe Fabian Ruiz (Napoli), ndërsa Dani Ceballos (Arsenal) dhe Mikel Oyarzabal (Sociedad) luajtën pas shpinës së Rodrigos (Valencia). /Telegrafi/
Spain fielded a team with 11 players from 11 different clubs for the very first time vs. Norway 🇪🇸🌎 pic.twitter.com/feFKJsdei0
— B/R Football (@brfootball) October 13, 2019