Amir Rrahmani është deklaruar për ndeshjen që Napoli e zhvillon ndaj Leicesterit në kuadër të rrethit të fundit të fazës së grupeve në Ligën e Evropës.
Ndeshja që fillon në ora 18:45, do të luhet enjten e kësaj jave në stadiumin ‘Diego Armando Maradona’.
Për këtë sfidë të rëndësishme, reprezentuesi i Kosovës ka thënë se ata janë të gatshëm që të përballet me ‘Dhelprat’ dhe do t’i ndjekin instruksionet e trajnerit.
🎙#Rrahmani “Domani è una partita importante sia per noi che per loro. In queste partite delicate si vedono i giocatori veri”#NapoliLeicester #UEL
💙 #ForzaNapoliSempre pic.twitter.com/g0FzcaxLvm
— Official SSC Napoli (@sscnapoli) December 8, 2021
“Janë ndeshje gjithmonë speciale, këto 90 minuta mund të vendosin të ardhmen e dy klubeve. Duhet të futemi në fushë të gatshëm dhe të japim gjithçka”.
Çfarë ka ndryshuar tek ti personalisht ardhja e Spallettit?
“Tani luaj më shumë, ky është ndryshimi. Në një ekip si Napoli për çdo pozitë duhet të ketë dy lojtar, por ne në qendër të mbrojtjes kemi katër lojtar të fortë. Trajneri na kërkon gjithmonë gjëra të ndryshme, varet nga kundërshtari. Duhet të jemi gjithmonë të koncentruar, gjithmonë të gatshëm”.
🎙#Spalletti “Per noi tutte le partite sono da dentro o fuori”#NapoliLeicester #UEL
💙 #ForzaNapoliSempre pic.twitter.com/o5ugg38TOT
— Official SSC Napoli (@sscnapoli) December 8, 2021
Sa është e rëndësishme për ju të luash një ndeshje kaq vendimtare në Maradona?
“Është një ndeshje speciale, të gjithë ëndërrojnë të luajnë ndeshje të tilla dhe këtu shikohen lojtarët e vërtetë, ata që kanë karakter dhe dëshirë për fitore”.
Napoli i De Laurentiis është kualifikuar gjithmonë në fazën tjetër të Ligës së Evropës, e ndjeni përgjegjësi?
“Ne gjithmonë ndjejmë përgjegjësi, jo vetëm në Ligën e Evropës, por edhe në kampionat. Dua të luaj gjithmonë për fitore, edhe pse me raste ndodh diçka tjetër”.
📸 Terminata la conferenza stampa pre match.
👉 https://t.co/QmflP0a7O3#NapoliLeicester #UEL
💙 #ForzaNapoliSempre pic.twitter.com/po3gvHbmpa
— Official SSC Napoli (@sscnapoli) December 8, 2021
Besoni se mund të përmirësoheni ende?
“Gjithmonë ka vend për përmirësime. Ka momente në ndeshje që duhet të presësh dhe momente tjera që nuk mund të bësh asgjë. Për t’u përmirësuar gjithmonë ka vend”, ka shtuar më tej ai.
Me një fitore ndaj Leicesterit, Napoli do të mbyllte fazën e grupeve si lider i Grupit C, pasi aktualisht ka shtatë pikë, aq sa ka edhe Spartaku i Moskës, skuadra nga Liga Premier është në krye me tetë dhe Legia me gjashtë sosh. /Telegrafi/
