Roma u eliminua nga Liga e Evropës nga skuadra franceze Lyon.
Lyon triumfoi në ndeshjen e parë 4-2, ndërsa Roma në të dytën 2-1 por që nuk mjaftoi për kualifikim.
‘Giallorosët’, zhvilluan një ndeshje tejet të mirë por portieri mysafir bëri disa pritje spektakolare për t’ia mohuar golin e tretë dhe të kualifikimit Romës.
Trajneri i Romës, Luciano Spalletti pas ndeshjes ka thënë se skuadra e tij e ka merituar kualifikimin.
“Skuadra ka bërë një ndeshje të madhe dhe duhet t’i përgëzojë për këtë edhe pse mungoi goli i tretë”.
“Jam nevrikosur me mysafirët të cilët kishin ardhur për tu shtrirë në Olimpico duke zvarritur ndeshjen dhe kjo gjë nuk është e drejtë”, deklaroi Spalletti.
“E meritonim të kalonim në çerekfinale por fati nuk ishte me ne në këtë ndeshje”, përfundoi trajneri italian.
Kësisoj Roma tani mbetet në garë matematikisht për Serie A edhe pse do të jetë tejet e vështirë t’i rrëmbehet titulli Juventusit.
Gjithashtu ‘Giallorosët’ janë edhe në gjysmëfinale të Kupës së Italisë ku do të përballen me Lazion ku në ndeshjen e parë kanë humbur 2-0. /Telegrafi/